Bydd ymgeiswyr llwyddiannus yn elwa o: Leoliadau gwaith cynhyrchu wedi'u curadu mewn rôl ymestynnol, ar gynyrchiadau a fydd yn codi eu proffil, yn ehangu eu rhwydweithiau ac yn datblygu eu sgiliau proffesiynol ac arwain. Dau fentor: comisiynydd o ddarlledwr sy’n rhanddeiliad, i gynnig mewnwelediad a chyngor strategol ar y diwydiant, a mentor arbenigol o’r diwydiant i gynnig cymorth gweithredol ac ychwanegol tra yn y lleoliad gwaith. Hyfforddiant gyrfa. Mynediad unigryw at gomisiynwyr darlledwyr sy’n rhanddeiliaid. Cefnogaeth un-i-un barhaus. Bod yn rhan o garfan gefnogol o gyfoedion sy'n gweithio ym maes cynhyrchu ffeithiol yng Nghymru a Gorllewin Lloegr. Hyfforddiant wedi'i dargedu, fel: Deall fformatau a sut i greu cynnwys a all ddychwelyd; Adrodd straeon a sgriptio; Arweinyddiaeth greadigol, rheoli pobl, cyd-drafod a chyfathrebu; Effaith a gwytnwch personol; Cynnig a chyflwyno syniadau.

Gwneuthurwyr rhaglenni ffeithiol creadigol ac arloesol neu ddatblygwyr sy’n angerddol am adrodd straeon ac sydd â mewnwelediad a gwybodaeth am y diwydiant. Cynhyrchwyr sydd wedi ymrwymo i wella amrywiaeth a chwarae eu rhan yn y newid hwnnw. Pobl sy’n frwd dros bosibiliadau digidol er mwyn gwella profiad cynulleidfaoedd. Cynhyrchwyr sy’n hyderus yng nghryfder eu barn olygyddol. Cynhyrchwyr sy’n gallu cymryd risgiau a herio'r sefyllfa fel ag y mae. Arweinwyr creadigol a deinamig neu ddarpar arweinwyr. Pobl sy'n croesawu newid ac sy'n gallu cymryd cyfrifoldeb am eu penderfyniadau. Datryswyr problemau creadigol sy'n gallu jyglo blaenoriaethau heb golli golwg ar y nod. Meddylwyr strategol sy'n deall sut i gyrraedd pob cynulleidfa.

Pwrpas y Cynllun Carlam Ffeithiol yw magu hyder a chodi proffil talent cynhyrchu ffeithiol Cymru a Gorllewin Lloegr gyda’r nod o godi eu proffil a dod yn enillwyr busnes i’r Cenhedloedd a’r Rhanbarthau. I wneud cais, rhaid i chi fod yn gweithio yn y sector di-sgript yng Nghymru neu Orllewin Lloegr a bod yn: Gynhyrchydd/gyfarwyddwyr, cynhyrchwyr, cynhyrchwyr cyfresi a chynhyrchwyr datblygu gyda phrofiad gwaith profedig mewn cynhyrchu di-sgript yng Nghymru neu Orllewin Lloegr. Cynhyrchwyr llai profiadol sydd angen cymorth i symud ymlaen i gam nesaf eu gyrfaoedd. Gweithio mewn unrhyw genre di-sgript. Mae hyn yn cynnwys, ond heb fod yn gyfyngedig i: adloniant ffeithiol, rhaglenni yn ystod y dydd, rhaglenni dogfen, ffeithiol arbenigol, neu ddatblygu. Gallu dangos meddwl strategol. Gwneuthurwr rhaglenni sy'n sefyll allan, gyda dawn olygyddol a chreadigol. Golygyddol a chreadigol hyderus, a bod yn barod i wthio ffiniau a mentro i herio rhagdybiaethau. Arloesol gyda syniadau gwreiddiol sydd wedi bod yn allweddol wrth greu rhaglenni y mae cynulleidfaoedd a darlledwyr yn eu caru. Angerddol a meddu ar brofiad o greu neu weithio mewn timau cynhyrchu gydag ystod eang o leisiau a chefndiroedd. Arweinydd strategol – neu â'r potensial i fod – gyda'r sgiliau a'r gwytnwch i arwain timau cydweithredol a chreadigol. Gallu darparu datganiad ategol (200-300 gair) gan gyflogwr blaenorol neu gyflogwr presennol neu Uwch Gynhyrchydd. Gallu cymryd rhan yn y rhaglen ddatblygu hon. Rhaid i chi fod ar gael i dderbyn lleoliad priodol ac ymrwymo i fynychu rhwng un a dau ddigwyddiad hyfforddi neu gomisiynu bob mis.  Rydym yn chwilio am amrywiaeth o leisiau, mewnwelediadau a phrofiad. Rydym yn annog ceisiadau gan grwpiau sy’n cael eu tangynrychioli yn y diwydiant teledu, gan gynnwys y rheini o gefndiroedd Du, Asiaidd a lleiafrifoedd ethnig, pobl ag anableddau, pobl o gefndiroedd economaidd-gymdeithasol is a phobl sy’n dychwelyd i’r gwaith. 

Mae’r Cynllun Carlam Ffeithiol yn para am flwyddyn. Bob mis, bydd un diwrnod hyfforddi wyneb yn wyneb naill ai yng Nghaerdydd (BBC) neu Fryste (Channel 4) y bydd yn ofynnol i griw’r Cynllun Carlam ei fynychu. Disgwylir i gynyrchiadau gefnogi eu presenoldeb. Bydd 1-2 ddosbarth meistr ar-lein amser cinio gan wneuthurwyr rhaglenni arbenigol bob mis h.y., Olly Lambert (Ukraine: The People's Fight), Morgana Pugh (Aids: The Unheard Tapes), Peter Wallis-Tayler (Ambulance), Kari Lia (Break Point), Liesel Evans (Parole), Amanda Lyon (Inside Our Autistic Minds). Mae'r rhain yn cael eu cynnal gan griw’r Cynllun Carlam o ddwy garfan y Cynllun – Cymru a Gorllewin Lloegr, a'r Alban a Gogledd Iwerddon. Lleiafswm o 20 wythnos o leoliad gwaith cynhyrchu neu ddatblygu. Bydd hyd ac amser y lleoliad yn dibynnu ar y cynyrchiadau sydd ar gael trwy gydol y flwyddyn. 

Nid oes unrhyw gost i fod yn rhan o'r Cynllun Carlam Ffeithiol. Wrth wraidd y profiad Cynllun Carlam mae lleoliad gwaith cynhyrchu neu ddatblygu gyda thâl. Swydd go iawn yw hon (nid cysgodi) a bydd yn cael ei thalu ar gyfradd y farchnad a bennir gan y Cynllun Carlam Ffeithiol. Bydd hyd ac amseriad y lleoliad gwaith yn dibynnu ar y cynyrchiadau sydd ar gael trwy gydol y flwyddyn, a disgwylir i griw’r Cynllun Carlam dalu'r holl gostau teithio rhesymol.

Cofrestrwch yma i gael gwybod pan fydd recriwtio ar gyfer Cynllun Carlam nesaf Cymru a Gorllewin Lloegr yn mynd yn fyw.