EIN TÎM

Hannah Corneck

Cyfarwyddwr y Rhaglen

Hannah yw Cyfarwyddwr Rhaglen Cynllun Carlam Ffeithiol Cymru a Gorllewin Lloegr. Dyluniodd a lansiodd y cynllun yn 2019 yng Nghymru, cyn iddo gael ei gyflwyno ar draws y pedair gwlad yn 2021. Mae Hannah yn ymgynghorydd datblygiad proffesiynol gyda 30 mlynedd o brofiad mewn newyddiaduraeth a chynhyrchu di-sgript, gan adeiladu ac arwain timau i gynhyrchu rhai o frandiau teledu mwyaf adnabyddus y DU. Mae wedi bod yn gweithio fel hyfforddwr gweithredol, hyfforddwr arweinyddiaeth, strategydd pobl ac ymgynghorydd creadigol mewn sgrin a sain ers dros 15 mlynedd. Mae Hannah yn hyrwyddwr newid a’i breuddwyd yw bod y diwydiant y mae’n ei garu yn dod mor emosiynol ddeallus ag y mae’n greadigol. Dysgwch fwy am Hannah yma.

Rebecca Hanmer

Rheolwr y Rhaglen

Rebecca yw Rheolwr Rhaglen Cynllun Carlam Ffeithiol Cymru a Gorllewin Lloegr. Mae ganddi 27 mlynedd o brofiad yn y diwydiant teledu yn gweithio fel Uwch Gynhyrchydd mewn rhaglenni di-sgript, cynhyrchydd datblygu, Rheolwr Talent i’r BBC, ac mewn digwyddiadau byw.

Mae Rebecca yn parhau i ddefnyddio’i chyhyrau golygyddol gan weithio ym maes cynhyrchu a datblygu. Mae hi’n angerddol dros gefnogi a datblygu unigolion, ac wedi ymrwymo i dyfu a meithrin y gronfa dalent di-sgript yng Nghymru a Gorllewin Lloegr.

Mae’r Cynllun Carlam Ffeithiol yn atebol i grŵp llywio sy’n cynnwys cynrychiolwyr o’r pedwar darlledwr ariannu, Cymru Greadigol a chwmnïau annibynnol sy’n cynrychioli’r diwydiant o Gymru a Gorllewin Lloegr.